كلمات اغنية وقفه ثقة فهد بن فصلا

وقفه ثقة كلمات

لا غفى جفن السما و المشاعر قدروك

اتراكى للقوافي على ساق و قدم

و الله ان الليل هذا على رحلة مكوك

ماسك المسرى على شال غرنوقة نظم

وقفوا ربعي لها لا انتخت وقفة ملوك

لين يساوون الاراضي مع روس القمم

الهواجر طيبهم نهج ميثاق و سلوك

من يحاول يسلبه و الله ان يبطي عظم

ويتراكى لـ الشدايد و يكرم و ايعزم

بصموا على تواريخ قحطان الصكوك

لين حتى يذعن الصم و ينطقها البكم

ابشر ابشر يابو فيصل مافي الوقفه شكوك

في محلا عامرا بـ المداخن و الشحم

علموا فيصل و قولوا ترى الوقفه لـ اخوك

ان بغيت القاف في الراس ولا في العظم

احتزم بي يا ابيض الوجه في اليوم الضنوك

و احتزم بك لا غدا العلم يحتاج أحتزم

اسما يردد من ايام جدك قبل ابوك

و النعم قبل الاسامي و بعده و النعم

عقب سهيل اليماني تراك انت النجم

اعتنز يابو حسن و الهرامسة جملوك

فالمواقف و العطايا و تخليد الاسم

كان ربعك وقفو تبرك العسره بروك

الهمم تشحذ نبانا ما حن نشحذ همم

يوم جدانك على الطيب والطاله خذوك

كل ما نادى لهم مجد قالوا له نعم

يوم حزات الخطر تدهم الليل الحلوك

خل رعيان الرعايا و رعيان الغنم

من قبل شظف نتعدى على البيدا دكوك

نضرب البير المسمى و نبني و انهدم

فوق مومية السبايا و ملجمة الحنوك

نعتلي فوق الهقاوي ومن فوق العشم

استرح يا مجدنا و الهرامسه لا احتموك

المدايح لو هي ارقام فانت اصعب رقم

نحسب ان رمي الرصاصه مثل غزات شوك

دون اهلنا و دون ابلنا و رفرف يا علم

دون وجه امجادنا ما خلق وجها ضحوك

ان تلفتنا لهم راحت الساده خدم

يا ضعيف سوق الامجاد ماهو فالشبوك

لا فقدته ما معك لا جهد ولا عزم

يتظلل في كنفنا وجه قلناه دوك

ولايشوف الا المجره على قمة هرم

شيخة ربوعي ماهي بـ المراكز و البنوك

يحسب التاريخ يمحيه لا جاء له ختم

شيخة على شداد المراجل لا دهوك

مقدم جموع السرايا على الخيل الدهم

لا نطق تاريخنا قلت له لا فض فوك

كنها ورثا للاجيال سلم و استلم