كلمات اغنية ويسكي عمار حسني

ويسكي كلمات

مكنتش بعرف احكي كنت بشتكي للورق فترات

مكنش بينا طريق مقابله كنت بسهرلك ف شات

و فرق بين جوابات و بين كلام ع لوح ازاز

محدش عارف انا عيطت كام مره ومكتوب تمام

مكنش ف ضهري عيله ف اتسندت ف صحاب فلصو

اول ما اتحطيت ف اول عركه سابوني لوحدي و جريو

ف انا اتعودت اكون لوحدي و متسندش بحد

و اتعلمت انها كلها جدعان بتسيبني وقت الجد

حبيت ملاك كانت جميله و الايام بتغير

عشنا جوه دماغي و بره العالم كان لسه بيترندر

هي تعبت و انا يتزهق مني ان جيت للحق

اظن كده خالصين يا بنت الناس بكفايه كسر ف بعض

ممكن اديلك عنيا بس هتسندني اما هقع

مش هتجمعنا صدفه الطيبون للطيبات

و انا كان قلبي طيب جدا وانتو اوسخ خلق الله

كات جوابات ل السما مكتوبه ف ضهر الملزمه

مبلوله ب عياطه لما قالو عليه يتيم ف المدرسه

و الي يزعل اكتر من انك لوحدك

انك تتعب بس ما تلقي حد تبوحله حتي بتعبك

جبنا اخرنا الدنيا باين زهقت منا

ماهو يا تغورنا ف داهيه يا تدفنونا مع زمايلنا

كنت نفسي ف حضن بس مافيش احضان كانت بتساعني

انا كل الي اذاني كلام كتمته فعشت اتاذي لوحدي

في صوت كمان مسكتش صوت عازف مسابش السوق

انا حالي كل يوم بيسوء و شكلي مش هفوق مش كده

متفوقنيش عشان لو فوقت هكره نفسي

كانت الناس بتحب الناس و كنت لوحدي بحب ازايز ويسكي

كتبت ان انا مضايق ع الحيطه اتصوروا معاها

كان كل الي هاممهم ياخدو بوست مش يسمعو غنايا

لو هكون كويس بكره اشبعوا بالشهره وربك مش عايزها

متفرحيش ان انا تعبان انا هبقي كويس بكره

هطلع المس نجم السما بس انتي هتفضلي لسه وسخه

و الي اتباع بمال قارون هيفضل اسمه اتباع

و الناقص لو خد كنوز الدنيا هيفضل بردو جعان

كل الناس سميعه مش كل الي سمعك صاحبك

بكره الهيلمان ده هيخلص و هتتفض و تبقي لوحدك

بلاش عشم و و متسبنيش عشان هوحشك

بكره كل الناس هتحبك لما تموت فصله نقطه انتهي

كات جوابات ل السما مكتوبه ف ضهر الملزمه

مبلوله ب عياطه لما قالو عليه يتيم ف المدرسه

و الي يزعل اكتر من انك لوحدك

انك تتعب بس ما تلقي حد تبوحله حتي بتعبك

جبنا اخرنا الدنيا باين زهقت منا

ماهو يا تغورنا ف داهيه يا تدفنونا مع زمايلنا

كنت نفسي ف حضن بس مافيش احضان كانت بتساعني

انا كل الي اذاني كلام كتمته فعشت اتاذي لوحدي