كلمات اغنية ياباي زياد الدساس

ياباي كلمات

الفَرح عوّق .. زوّد زوّد زعل مش بيحوّق

أحلامي في الدنيا ماشيه بـ مبدأ " شوّق ولا تدوّق "

ايه اللي رماك عـ المُر و زقك ؟ .. دبحوك بـ كلام متذوّق

و بلاش تتريق انا مش زيك مش هعيط و أوّء

عيطت قالوا " ده مُحن " .. فرحت ماله قلبي سُخن !!

ولا عايز طبطبه ولا حُضن يا حُزن جاي في وقتك اه يا سُهن

يمكن كل اللي راح ده شؤم دكّن الجراح دي في رُكن

لا سكّن الأوجاع كام شوت ولا چراكن بُن

كانت ست الحُسن بـ ضحكه تطيّب التعب بـ سرنجه

ابعد طيب ؟ - مش هتنجى مسكت ايدها - مسكت سنجه

و عادي تغور ما ترجع .. كانت من البدايه تنكه

بس الغبيه نسيت اني سيدها و سيد عيلتها

انا احسن واحد يضحكك على حُزنه بدون غرور

و انا ولا بتطوّح ولا مسطول متعرفنيش معذور

دايماً بتسجل غياب في فرحي و في جنازتي حضور

----

ياباي .. ضلمت ازاي راح فين الضَي ؟

انا الغلطان ما هو اللي يلعب الدَح ميقولش " اي "

الحُزن جاي جاي و انا في الأحزان ما لي زي

لو في يوم زعلت زياد فـ الدساس هياكلك ني

2×

----

كان كدب و بكش .. الدنيا استحلت فيا النكش

قولتلها " هموت و نرجع " قالت " موت انا مبحبكش "

اسمي في الكلام متجابش حُزني محلنيش و مسابش

ظني فيكي مخابش .. اديتك حُب اترد بـ دبش

فرحي كَش و حُزني زاد زادوا الحُزن في قلبي مزاد

إبن شارع مَجدع اما هما كلاب ولاد زواد

الفرح ما عاد اما حُزني جايلي في المعاد

ها .. نسيني ازاي انساه ؟ ، خد قلبي على عماه

منيش سلطان بـ جاه " بياع كئابه " زي ما المجال سمّاه

كانت سمّاه و طب ساكت ، شافت مطب و ساقت

سابت و مكنتش ساءل ، ثابت و حالتي ساءت

على فكره كدبت لما قولت " كويس "

فكرت فيك و قولت " هنام و ارتاح " لقيتني بكوّبس

ده كسر مش هيتجبس كانت عُقب و قلبي سبرّس

في المُكتئبين بدرس اوعي تحب في قلبك تربس

----

ياباي .. ضلمت ازاي راح فين الضَي ؟

انا الغلطان ما هو اللي يلعب الدَح ميقولش " اي "

الحُزن جاي جاي و انا في الأحزان ما لي زي

لو في يوم زعلت زياد فـ الدساس هياكلك ني

2×