كلمات اغنية ياربه الحسن خالد الرشيدي

ياربه الحسن كلمات

يا ربة الحسن الفريد .. / المكتمل

كيف العدل ! وانتي بـ وصوفك تفرقين

ما يشبهك الورد لو هو ينتحل

يبقى اختلافه لا ذبل ما تذبلين

ابلغ من اوصاف القصايد والجمل

انتي لغير مرايتك .. ما تشبهين

ابيك واحبك .. ومن حبك ما امل

ما اخون لو خانو جميع العاشقين

ممنوع عقبك من دخول العابرين

عليك اغار وغيرتي غيرة طفل

لا شاركوه بـ لعبته يبكي حزين

انتي قصيده .. نالها شاعر جزل

دامك معه ما يلتفت للمعجبين

في عينك اليمنى روايات الغزل

في عينك اليسرى نجاة الغارقيين

بالكون مثلك شي ما عمره حصل

حتى بـ خيالات القصص ما تخطرين

تزعل معاك الدنيا لو وجهك زعل

وتمتلي الدنيا فرح .. من تفرحين

من بعدها والله كل شده تلين

في شوفتك شفت السعاده والامل

دام العمر ويّاك .. يا حلو السنين

معلومات الاغنية

ياربه الحسن

اداء خالد الرشيدي

كلمات عبدالله الصابري

توزيع : محمود الزرقاوي

تصميم: نجوم ماركه