كلمات اغنية يا حسرة عليك يا دنيا كمال مسعودي

يا حسرة عليك يا دنيا كلمات

يا حسرة عليك يا الدنيا

فيك حكاية و حكيات

ساميني و اقعدي حدايا

و احكيهملي بثبات

علاش هكذا حاقدة وسمية

تظلي تبدلي فالصفات

تعذبي فيا غير بشوية

عييت من عذابك بركات

تلعبي بيا ولا معايا

جاوبيني علاش هاذ السكات

قالولي عليك مسرحية

انا المسرح سكن لي فالذات

اديت معايا شي وردات

دخلت للقاعة صفقوا عليا

طلع الستار و الضوء طفات

لقيت روحي في تمثيلية

و الديكور خوف ودمومات

طمعتيني و درتي عليا

عندي جدي بصح مات

يا حسرة عليك يا الدنيا

فيك حكاية و حكيات

ساميني و اقعدي حدايا

و احكيهملي بثبات

علاش هكذا حاقدة وسمية

تظلي تبدلي فالصفات

تعذبي فيا غير بشوية

عييت من عذابك بركات

شحال من سلطان كان في دنيا

جيوش لامرو طيعات

العسة عليه بالالوفات

غفل غفلة تقلبت الحية

فليلتو ماصاب وين يبات

وكلتي فلان عسل و فاكية

و فلان شمختيلو الفتات

فلان قلعتيلو الذرية

و حياتو مالفرحة خوات

فلان طلق مرتو المسكية

زعف كي جابتلو البنات

يا حسرة عليك يا الدنيا

فيك حكاية و حكيات

ساميني و اقعدي حدايا

و احكيهملي بثبات

علاش هكذا حاقدة وسمية

تظلي تبدلي فالصفات

تعذبي فيا غير بشوية

عييت من عذابك بركات

المسجون يرجى الحرية

بالدقيقة يحسب الاوقات

و الشهار يحلم بالشهرية

ياحليلو مولى وليدات

كبدة لميمة مشوية

واش سهرت او واش ربات

على وليدها بدل جنسية

عجبو زين الروميات

خلى يماه وحدانية

من الحرقة و البكى اتعمات

باش يبين الرجولية

بعثلها زوج محرمات

يا حسرة عليك يا الدنيا

فيك حكاية و حكيات

ساميني و اقعدي حدايا

و احكيهملي بثبات

علاش هكذا حاقدة وسمية

تظلي تبدلي فالصفات

تعذبي فيا غير بشوية

عييت من عذابك بركات

نهار كانت الدنيا دنيا

الوالدين علقولهم شيعات

اليوم الوالدين راهي مرمية

في مراكز الشيخوخات

انت دنيا يدك زهرية

انا يدي فيها الكيات

مع الواقف درتي جمعية

سماها دخلات و خرجات

القليل بعثتيلو خطية

جايصلي تلفتلو الصلاة

كي سلم نسى التحية

كي تحى نسى زوج ركعات

يا حسرة عليك يا الدنيا

فيك حكاية و حكيات

ساميني و اقعدي حدايا

و احكيهملي بثبات

علاش هكذا حاقدة وسمية

تظلي تبدلي فالصفات

تعذبي فيا غير بشوية

عييت من عذابك بركات

المال فاني والعضام راشية

فاتت جناس و تمحات

اللي كان تقي و دار النية

طاع ربي و شد فالصلاة

درجته فالجنة عالية

صفة الجنة درجات

و الشاقي يمضي النهاية

ذاتو بالنار اتكسات

جلدة رايحة وجلدة جاية

يظل يبدل فالجلدات

نصيحتي نتركها التالية

باش نختم بيها الابيات

يا حسرة عليك يا الدنيا

فيك حكاية و حكيات

ساميني و اقعدي حدايا

و احكيهملي في ثبات

علاش هكذا حاقدة وسمية

تظلي تبدلي فالصفات

تعذبي فيا غير بشوية

عييت من عذابك بركات

دعوة الوالدين رسمية

منهم الشر و الخيرات

الهناء كنز و الصحة غالية

و الباقي كلو كذوبات

ياسين ارسلها تحية

و مضى فيها بشي دمعات

بعثها كمال مسعودي برية

قيثارة و طار و الات

الصلاة على نور عينيا

سيد الخلق يا سادات

شكون لي نجا منك يا دنيا

غير لي طلقك بالثلاث

يا حسرة عليك يا الدنيا

فيك حكاية و حكيات

ساميني و اقعدي حدايا

و احكيهملي بثبات

علاش هكذا حاقدة وسمية

تظلي تبدلي فالصفات

تعذبي فيا غير بشوية

عييت من عذابك بركات