كلمات اغنية يا دحيم حط الحطب فالنار خالد ال بريك

يا دحيم حط الحطب فالنار كلمات

يادحيم حط الحطب فالنار برد وجليد

النار يبغالها شباب نار قوي

الحق مشاهيبها وتقول هل من مزيد

وان راح ثلثين عود جمرها مجثوي

الليله المقاف اكبر من بيوت القصيد

وانا حموي ياسمي العود وانت حموي

بنعيد ماصار في رستم وعبدالحميد

يوم ان الاتراك مالو والجيوش سروي

باس يخلي سراحين الجبال تعوي

جذعان نجد الدهاه منزحين الضديد

على شفا نجد الانجد نزحوه ضحوي

الاد عساف لاشاف العنيد العنيد

كم فارس من على بنت الحصان يهوي

ينحون عوج الصفوف ملينين الحديد

عن ديرة في طرفها للطروش رعوي

وقت المناويخ للجذعان مجدا تليد

مجدا يخلد مع ابن سعود وابن جلوي

يابو رديني يشع النور والا يهيد

مجدك وشمس النهار الشارقه من ذوي

تقولها لين صار الها وحيف ودوي

عوايد من على الجدان صارت رصيد

ومضايف لو يجاريها الكريم يغوي

منصى الرفاقه ومزبن كل علم حميد

وعد ليا جاه ضامي يشرب ويرتوي

صنهات لانشبت الكلمه بحبل الوريد

تقدم الربع عود بالكلام رهوي

ذكره تبيد الجبال الشامخه مايبيد

واكبر مصيبه تجيه وتصغر وتستوي

وعياله اهل الثناء واهل الحزام الجويد

مافيهم اللي عن فعول الكريم نحوي

واليوم جدد سمي العود علم جديد

مابين الاثنين ساسه والمقام علوي

بناخي اللي مع الجذعان فعله فريد

على الاكاوين زبن الجاذيه منتوي

حما قصيره مع السته بفعل مجيد

والاجنبي علق اماله بمجد قوي

العلم ماهوب ياصنهات بيت القصيد

الفعل بيت القصيد الفارق النخبوي

ومعرب الاصل يذهن به فواد البليد

والدرب سيده ماهوب اعوج ولا ملتوي