كلمات اغنية يا رفيقي خالد ال بريك

يا رفيقي كلمات

يارفيقي حياتي كلها الاوليه

في عيون تساكب دمعها من غزاره

ودي ان فيه شي يرفع المعنويه

ويبهج الخاطر الي هيبته من وقاره

اه من صدري الي كيت فوق كيه

مرة من يمين ومرة من يساره

الحياه الكليفه والنفوس الدنيه

ماتبلط بحور ولا تحفر الزباره

بكشف الوجهه الاسود لو اشيل الستاره

بين عسف المهار وبين خطم المطيه

صوت رجل عزيز وصوت راعي بشاره

اسر ياليل والهاجس له الافضليه

رخصة الدرب ماتطلب عليه استماره

شاعر مايمجد فاللوازم خويه

كيف يقدر يعمر طوب ساس العماره

الرجال الكبار اهل النفوس الجريه

بين فعل كبير وبين عز وجساره

ياطويق المواقف فوق هضبة طميه

قسمك امن السنام وفي علو الصداره

من دهاته محنك ومن لقاه استشاره

من يخاويه عدا قوة الجاذبيه

في سما الطيب من طيبه وزاد اشتهاره

ايه نواف بن طارد مع كل هيه

من وفا راسه الطيب ماغير مساره

ابه نواف بن طارد ونفسه غنيه

واحد فـ اكرمه ماهو يحسب الخساره

راعي للجميل وراعي للحميه

حقه وحق جده ماخذاها استعاره

وارث صيت ابوه ابكفه الحاتيمه

يعجبك من نقاه ويعجبك من شناره

شهرته بالفعايل شهرة عالميه

وصار نجم على ظهر المجره مداره

فيه نسبت قبول الا معه قابليه

محزم فـ اللوازم والجمايل شعاره

من نصاه ابمحله لجل حل القضيه

يعتمد حلها مع وزير الوزاره

والردي مايعرف الطيب نفسه رديه

ودك انه من الدنيا يصدر قراره

جعل يفداك يانواف ذاك وسميه

مثلك الي لاوقف عز ربعه وداره

عند خيالة الشرفا عزوم قويه

عزوة مايكفيها قصيد وعباره

الدواسر لهم عند العرب مقدريه

للحمايا حمايا وللمواقف نعاره

خصمهم مايشم النصر والنار حيه

لو تزيد الخصوم وغارة بعد غاره