كلمات اغنية يا زين الخلا خالد ال بريك

يا زين الخلا كلمات

بدينا باسم من نزل الملك والفرقان

هو اللي يغيث العبد ويوسع ارزاقه

فهقت الشماغ وزان جوي وليلي زان

وعطيت الطريق اللي له النفس مشتاقه

ماقدامي الا بارق وابله ودان

على دار ربعي وجهتته يرخي اشناقه

تحدر سحابه لليينوفي وخشم ذقان

وتباشر به من الناس عشاقة الناقه

يازين الخلا الخالي ومشي مع الخدان

وبعد عن اللي مانحبه ونطاقه

علشان صفرا حبها في الضماير بان

رعت في نباته كل طافح وعملاقه

عليها الهلال اللي ينومس بني شيبان

ياكم من خصيم امامهم يشكي ارهاقه

ماسيقت على الارض الوخيمه ولا المرحان

رعت في بكوره مزعله جنب حراقه

ماضريتها بمقابل الوقت ياسلطان

على صوت راعيها جذوبه وشواقه

تربع ورى المركوز والا ورى فيحان

خذت في نباته وقت ماخذته ذواقه

ومن جاء يباريها يخلا على الساقه

وعلشان لازم كل طيب وكل حصان

نضنما الجديد اللي مسوى على فاقه

ياضاوي ولد سلطان يامعرب الجدان

سلايل رجال للنواميس عشاقه

عسى فالك التوفيق في ساير الازمان

يانسل الرجال اللي على الطيب سباقه

على جدك مسمى وجدك وسيع بطان

فلا يرتخي عزمه ولاينثنيي ساقه

عسى له بجنة ربي المعتلي مسكان

من تجيه كلمة نعم عجله ومنساقه

على درب ابوك وجدك اللي على برهان

ياكم رجل يبغى النعم والنعم مالاقه

ولد من تسااق اله النعم والكريم معان

ليا جاء مجال الطيب ثم حدد سياقه

محامي عتيبه في المواقيف شانه شان

ليا شان وجه اللاش وانعمست اخلاقه

ابو ضاوي اللي حط صفرا مع البدوان

ورعت كل عشب لاح بالخير براقه

هلا مرحبا ترحيبة ترجح الميزان

تراحيب من ناره على العز شعاقه

من الاد مذهل معقل الطيب والفرسان

تبين على المشراف ماهيب دراقه

من عتيبه ان جت للعزواي وجات اكوان

للامجاد كسابه للارقاب عتاقه

وعسى الله يعز الدار بالدين والايمان

وراية هل التوحيد بالعز خفاقه