كلمات اغنية يضيق صدري من ضجيج الناس خالد ال بريك

يضيق صدري من ضجيج الناس كلمات

الله من قلب من التفكير والضيق مهموم

من واقع التجريب والايام جاه اللي كفاه

ادوي مع الافكار في غبت بحر واسبح واعوم

واخذ مع الغبه مدى واقول يالله النجاه

يضيق صدري من ضجيج الناس منحولي واقوم

ولايشرحه غير الكلام الجزل وفعول الدهاه

وياهاجسي جت حزتك جت وقفتك وقت اللزوم

وانا اخبرك في لازمي دايم تشد الانتباه

الراس يقدح من سطر ماهو بيحتاج لوصاه

يابو بدر تبشر بعزك ياعسى حظك يقوم

ميقافنا واحد وكلن موقفه قام وحماه

ذخر رجاء بندر بدر ياجعل تفداه الرخوم

ماهو غريب الطيب من راسه وراس اللي رباه

جاب البكار اللي تسر العين وتغيض الخصوم

غزايزن ترهي على الاول ومعطيها غلاه

في شف حسكات الوبر مايلتفت للي يسوم

يشقلب ارصدت البنوك وللتفت للي وراه

شامخ سوات طويق قرم ومن مذاخير القروم

كم واحد حاول ينافس بندر وخيب رجاه

نومس عتيبه وراتكى والله يعين اللي نواه

يمشي على نهج الجدود وحافظ كل السلوم

مثله يشرف لابته واسم رفيع مستواه

حنا عميرات بنا التاريخ يفخر كل يوم

وادى الرشا يشهد ويشهد نجد الانجد وومراه

من وقت مرزوق المسمى ندحم بجنب دحوم

بيت الأماره اسسه والناس عاشت في احماه

امارته بالسيف اخذها ماهو بحب الخشوم

ولاجاته بحب اليدين وللكتوف وللجباه

اسمه يسطر بالفخر من قبل توزيع الختوم

دون القبيله يرتكي مايحسب حساب الحياه

عقب شيوخ مجدهم طال الكواكب والنجوم

تحت بيارقهم مشو شيخان وازدادو غناه

سادات قوم وقسمنا دايم من خيار القسوم

من هيبت الاسم الشهير تعيش الاسماء في ذراه

حزنا الفخر يومنها مابين حاكم ومحكوم

بينا القبايل فعلنا قامت تناقله الرواه

اعزومنا من فضل ربي دايم تفوق العزوم

مقدم عطيه نملك الامجاد من كل اتجاه

مغايره يوم الفخربالشلف وبنطح السهوم

نرمي بغالي الروح لو العز غالي مشتراه

عتيبه الهيلا الدهاه المجد والبحر الطموم

بحر من الأمجاد والأمداح مايحصر مداه

عتيبه الهيلا الحرار اللي على القمه تحوم

لطامة العايل عتيبه للعدو داه ودواه

عدونا يونس على كبده مثل حمو السموم

ورفيقنا ماقد شكى من ضيقت الوقت وعناه

والفضل للي مد جوده شامل خلقه عموم

تحت جباروته خضعنا نسجد ندور رضاه

نزل علينا نعمة الامن وعسى النعمه تدوم

وخلا بلدنا موطن الاسلام قبلة للصلاه