كلمات اغنية يمك خليني يوسف الساعدي

يمك خليني كلمات

مشتاقلك كد ما جنت

اصفن على عيونك

واحتاجلك كد ما صرت

محتاج ال شلونك

تعرف سنين الحرب؟

وضرف الحياة الصعب

ما يجن نقطة ابحر

عن يوم من دونك

يالما يعوضك بشر

يالبيه تارك اثر

حتى اليخون العشك

ما يعرف يخونك

خليني يمك واخذ

شتريد من عندي

تعرفني اني بشر

ما عيش اذا وحدي

يالتشبه الدائره

شما خلصت تبدي

بخدودي وكف الدمع

بطلت اريدك تجي

وتبوسني بخدي

من جنت اشوفك عطش

مديت حبي نهر

من كلبي يجري لحد

ما تستلذ حدي

اشربني ماي بعطش

بس لا تخلص بشر

عالمامش اتبدي

صير اصفى من نيتي

وخليني اشوفك تجي

نسمه اعله كد ريتي

تعبان منك صرت

وتعبان بعدك صرت

بالحالتين اخسرت

وياك عافيتي

ما ريد وحدي انسجن

لو عاليحبك تحن

لو ردلي حريتي

اهواي غيري بشر

بس لو اتدور عمر

ما تلكه حنيتي

وشلون اوصف الالم

مو بيتي قلبي انهجم

يا ريت لو بيتي

كل هذا بعدك مثل

ما كلبي يتمنى

يا نار اخذني ذنب

ما رايد الجنه

كد ما طلبتك نذر

دورلي حايط بقى

وما حاط بي حنه

ليهسه اشوفك حلو

من روحي يمكن امل

وانت الوحيد الابد

ما راح امل منه

تدري انت من نلتقي

مرات احسك عرس

مرات احسك شمس

بس يمي تدنه

واتناقض شما حجو

بسمك واجي اتغنى

والناس كالو جذب

هو احنه ندري الجرح

واليوجعك منه

معلومات الاغنية

الشاعر يوسف الساعدي &الفنان يزن فاضل - يمك خليني

توزيع وماسترينغ / مصطفى جوني

تصميم الفيديو / عماد العمادي