اغنية فهد بن فصلا الجديدة

يالله ياللي عليك اسناد شكوى الخلايق

واحد لجل طاعتك العباد امخلوووقه

اكفني شرها لا لوحت بالذلايق

كل ماقام وجه الوقت يلوي اشدوقه

حضري ياهجوس الاكلبي وابن شـايق

وابن جعشه جزيلات المعاني تشوقه

التكسف على الرجال ماهو بلايق

وهيبةالرجل كسرتهااليا اخذت حقوقه

يسهر الليل من كثرت عليه العوايق

مايبي في عيون الناس شي يعوقه

ماهو بناقص قلبه هموم وغلايق

مابقا فيه غير اللي يعيش امعلووقه

وتنعرف هقوة الطيب وتعرف طروقه

بينت لي ظروف الوقت بعض الحقايق

وشرحت لي حياة المجتمع وين سوقه

اما والله اتعدا من شعيل الوسايق

ولا والله ان يشيل اشعيل ماحط فوقه

ماعرفت المقاهي والمدن والحــدايق

تابع شف ابوي اللي تبع شف نووقه

لجل وضح على البــراق كنها توايق

وكل مالاح برق الصيف ترعا حقوقه

ساقني في هواجيس الشعر كل سايق

سوقة اللي فعل جده وطيبه يسوووقه

فيك يافزعة اللي دم غالــيه رايــق

كن مافيه فعل غير فعلك يشوووقه

يستحق القصيد وصوغ جزل الذوايق

وهاجس المدح في غيره على الله نفوقه

ابو سلطان فيه الشعر والمدح لايق

تركي اللي على الجزلات لاحت بروقه

الهقاوي تمده والعزايم تسووووووقه

وقفته ثابته ماهي بوقفة لفـــايق

دون ربعه منام اهل الكــرى مايذوقه

فايض بالشموخ وناطح كل فايق

بين حسن القبــول وبين نفس خلوقه

كل يومــ يتوقــــه للمواقيـــف تــايق

توق حرا على المـــلواح فكو سبـوقه

من عزاوي مطير محتمين الوسايق

يحتمون الجهام وستر كل معشوقه

لاد ميزان لا جار الزمان وتهايق

يفتقون النظر والثوب ترفاء اشقوقه

لاغدا فالصحو مثل اشتعال الحرايق

من وقف في دقلهم بالهنادي تعوقه

روس قوم لهم فالطيب عدة وثايق

يمنعون الدريك وكل عـــز تفوووقه

عزوة مطير ذخر اللي من الوقت ضايق

وفزعة اللي من الايام كثرت افتوووقه