كلمات اغنية احتزم بالصبر الوليد ال عامر

احتزم بالصبر كلمات

كان ياما كان في ماضي زمان أهل الغنايم

يوم كان الصدق عند الناس له قيمة ثقيله

وقتها للحب جسر بيننا ضد الضرايم

كان فينا للبراءة حس الارواح النبيله

شوقنا كانت صلاته في مشاعر حب صايم

ماعدا الوجدان يشرب له تناهيد قليله

حبنا ماكنه إلا راهب بالليل قايم

في خشوع مايغادر قبة المحراب ليله

عشتها بكل الظروف الممكنة والمستحيله

كنت اقول ابن الملوح قصته ضمن العظايم

من خياله ليس في الواقع مثل تلك الخليله

ما هقيت اللي مثل روحي يكبدني هزايم

وانا محسوب على ربعي و من روس القبيله

ما هقيت الحب يجعل من بني الانسان هايم

حتى عشت الحب وادركت التفاني والخذيله

وانتهى جو الصفا والفى مكانه جو غايم

هكذا حب التسرع يجعل الغاية وسيله

عقب ما خاضه متيم بين مستيقظ ونايم

عبر نومة مغناطيسية بتابوت الجليله

وانصحك ياصاحبي في الحب لاجاتك مثيله

احتزم بالصبر و ان يمن خذ الوجهة مشايم

واعرف ان ماكل برق لاح تسكب له مخيله

لا علاقة لمن تحبه بالمحاسن والدمايم

إنما الاقدار تخفي الشينة خلف الجميله

قد يحب المرء شيء وفيه طير الشر حايم

و إلا يكره شيء تكمن فيه روضة للفضيله

قد يقول انسان مايوجد على الطيب علايم

والصحيح ان الذكي ياخذ من الطرقة دليله

أي حاجة تتعبك وبدربها تصير عايم

اعرف ان لو كان منها خير لصارت سهيله

احتزم بالصبر بعض الحب يسحب للشتايم

عز نفسك لا تقلي ما بقي في اليد حيله

لا تخلي النفس تبقى جارية للحب دايم

أو تكلفها بشيلة حمل ما تقدر تشيله