كلمات اغنية الدنيا جرالها ايه عبد الباسط حمودة

الدنيا جرالها ايه كلمات

اه من الدنيا وعذاب الدنيا

هى الدنيا جرالها ايه

هى الناس عملت كدا ليه

الناس هتاكل بعضها ضاع الحنان من قلبها

ضاع الحنا من قلبها ايامنا قلبت وشها

شوفتوا عملت فينا ايه ايه ايه الدنيا

بقى جوا عروقنا ميه ونسينا الانسانية

وضاعت منا الشهامة

عايشين من غير قلوبنا وبنتباهى بذنوبنا

ناسيين يوم القيامة

وكله ولاد بلد صاينين بنت الجيران

فى الشدة كله واحد فى الفرح كله واحد

مع بعض ع الغريب مع بعض فى الاحزان

بقى شارع من الديابة تنهش عرض الغلابة

وبقينا خلاص فى غابة مفيهاش رحمة وامان

هى الدنيا جرالها ايه

هى الناس عملت كدا ليه

غل وغدر وخيانة وناس فى ناس طمعانه

اراهنك لو تلاقي حد يصون الامانة

اكل الحرام بقى عادى ولا حد بعيشته راضى

ولو تسأل يقولك حقى وحق ولادي

الدنيا ملخبطنا لاهيانا متوهنا

معدش يصعب علينا حتى دموع الحزانى

هى الدنيا جرالها ايه

هى الناس عملت كدا ليه

فين العيلة اللى كانت نضعف نتحامى فيها

بقى كل حد فى وادى عايشين زى الأعادي

الأب الهم واخدة مكانه فى بيته فاضي

والام ايه بايديها غير بس دموع عينيها

وياريت دموعها بتنفع وولادها يحسوا بيها

هى الدنيا جرالها ايه

هى الناس عملت كدا ليه

الكل حاله اتغير لما الزمان اتغير

بقت اللعبة واصولها الكبير ياكل الصغير

الغدر تملي فايز وصوت الحق عاجز

وشوفوا الناس وحالها حتى اللى فى ايده عايز

زماننا بهت علينا ساب كل عيوبوا لينا

وبنصرخ من جراحنا واحنا مننا فينا

هى الدنيا جرالها ايه

هى الناس عملت كدا ليه