كلمات اغنية الذكريات ماجد خضير

الذكريات كلمات

قديم الذكريات اللي تجدد من بعده اهات

تمنتج فلم ذكرى الماضي المؤلم على عيني

من اخراج الدموع وزفرة التنهيد واللوعات

يسوق شعري اللي عشت ويعنون عناويني

رياح الغايبين العاتيه راحت قديم وجات

رياح صرصرً ن منها التبلد مايدفيني

تثير طيوف خلي والغلا والحكي واللحضات

تعلم فالضلوع وترتبك نبضة شراييني

يأنبني ويصحيني ويقتلني ويحييني

حبيبي كني فحبك صنم يغوث ولا اللات

ماشوف ولا اسمع ولا احكي اذا الجهال تدعيني

انا ارقب جيتك من بعد غبت ولا حصل جيات

على درب الغرام اخيل وصلك وانت ناسيني

تعلق في اطلال الذكريات صورك فاللوحات

ماطاحت من عواصيف الهموم وجاير سنيني

تذكر ويش كنت تقول يوم تعيش فاللذات

يومني فالعناق اقول تكفى لاتخليني

انا معك اشكي من البعد وانت تقول لي هيهات

مابه شيً ن يفرقنا تريح وامسك يديني

وقام الهم في بعدك من الافكار يبريني

معا وحشه ظلام الليل افكر واقصر الخطوات

ولا ادري ليه خطواتي على دربك توديني

و اوقف وانكف الوجهه واقول العز عز الذات

انا عزي من اسمي واسم جدي منت غاويني

انا ماشكي لك همومي ولا لغير الله المشكات

لكنّ بعلمك وشلون حبك صادقً ن فيني

ترا اللي راح مانرجيه لو في بعده الحسرات

كذا العزه واذا انه جا على ضنه يلاقيني

انا اللي كل ماضاقت بي الدنيا من اللي فات

تذكرت ان ابوي اللي على العزه موصيني

انا افخر يوم انا وانا وريث المجد والطالات

انا عبدالعزيز ابن نجم واسمي يكفيني