كلمات اغنية امي دعوتها استجابت امين خطاب

امي دعوتها استجابت كلمات

الضمير نازل تأنيب فى نفسو

حلمو يوم يتوب

بس النفس ماشيه عكسو

عاشقه دايما للذنوب

اللى جوا منى راضى

بالقدر وبالمكتوب

رب العباد هو اللى يعلم

وحدو بالقلوب

مش لاقينى مش شايفنى

مش عارفنى انا ابقا مين

اللى فى المرايا شخص تانى

منطفى وحزين

عايز علاج سنين

صبرنى يارب على اللى بحس بيه

انت المعين

عمرى يوم ماكنت جاحد

مع أن الكل بيتجاحد

عنى تسأل اى واحد

هيقولك راجع جدع

الفلوس دى مش تمامى

مال قرون لأ مش مقامى

الرجوله مش أسامى

يالى منكو بشوف بدع

اقلعو الوشوش اللى انتو

بتلبسوها بلاش نفاق

اللى كان مضحوك عليه

خلاص دا من نحيتكو فاق

للفلوس بس الولاء

حتى اللى قولت صادق

فى الخيانه داخل سباق

اللى كنت بعتبرهم

أنهم سند و ضهر

شدو فجأه عليا حيلهم

لما لعب وياهم الزهر

من كتر ما اتظلمت

بقيت بحس ياناس بقهر

صندوق مبقاش يحوق

هشرب لو قصادى نهر

يالى على بطاقتى و عنوانى

مش هتشوفو الشخص دا تانى

نفسيتى منكم تاعبانى

هبعد عنكو عشان ارتاح

همشى و اسيب الدنيا بحالها

مش موجود حبآ فى جمالها

كاره الناس وكاره أفعالها

انا تليفونى بقا غير متاح

امى دعوتها استجابت

عنى راحو ولاد الحرام

واكتشفت من ساعتها

أن اقرب ناس هما الاخصام

وانا من طيبة قلبى قولت

ماليش غيرهم دا يادوب خصام

اتاريهم كان هدفهم

اتضرب بالكام جرام

عينى كان عليها ستاره سوده

ماشى فى الغلط

زى ما أكون معمولى ١٠٠ عمل

انسان جسمو اتربط

ايوه لما بعدت عنهم

حالى فعلا اتظبط

لو مافوقتش للى داير

كان زمانى شايل زلط

الحلال فلوسو ساحله

بس مابيوقعش فى وحله

الحرام فى عينك احلى

عشان يادوب بتجيبو سهل

اللى بتضيع عليهم

انسا فى الشده تلاقيهم

اتحبست م اللى فيهم

جالك يوم فوق يابو جهل

لو مفيش مصالح

الرقم بتاعك فى البلاك

تتسجل بقلب اخوك

طول ما الفلوس دايما معاك

هما مش حابينك انت

لشخصك أو لمستواك

اسمع نصيحه منى

خلى بالك من قفاك

اوعا يوم تدى الامان

لحد خان و دمرك

قلبك لو فى مره حن

دوس عليه لا يكسرك

اتعامل بعقلك اصحا شوف

مين اللى قدرك

هتلاقى نفسك كنت شارى

وكلو بيخسرك

اللى يبيعك بيعو ببلاش

مفهاش لحظه ماتستناش

خليك فاكر وماتنساش

ان الجدعنه مش للكل

خليك باقى على اللى باقيلك

أمشى بلاد للى هيمشيلك

اتعب كدا شوف مين هيجيلك

وصلت ولا صباح الفل