كلمات اغنية جمارات الشعل صالح اليامي

جمارات الشعل كلمات

متى يبين الصباح اللي يزيح الظلام

الصبح شمسه تدف الليل وتكفكفه

نبي نرز البيارق في النوازي شمام

ونطق راس العنيد وضنه بنخلفه

ما عاد فيها مهادى والصروح الهدام

اعيون اهلها لا جينا دمعها تذرفه

من غره الحلم يصحى من خيال الحلام

قدامه اللي يرده عن طموح هدفه

زقعانين لا لقى خصمه يهين جدفه

يا ابوفهد خلها ثورة وخطمت خطام

خل القيامة تقوم وترجف الراجفه

ضيق عليهم حدود منيف شرق وشام

شتت ضعنهم عساهم فـ اميتين ضعفه

اضرب بشلفاء جدودك محتمين الجهام

حتى يجي في صفوف اخصامنا خفخفه

يا ويلكم يا هل الشلفاء علي الحرام

انها عليكم وبال وضربة مجحفه

من طمع في شوط جمارات بين الانام

دامه تبين لنا قدم العرب نكشفه

الضعف والله ما نرضى نتقي فـ طرفه

لو ناحوا اهل الحياله مثل نوح الحمام

والله ما نرضى الفخر والعز بالدفدفه

رح علم اللي عيونه ما هناه المنام

يوم ايتقدم لنا في الشوط وش مكلفه

حنا كعام الخصوم اللي علينا الكلام

لا من غدا للعزاوي في الجبال رجفه

ما يدري ان السهول ادروع جنب الامام

اللي خذوا بيرق العارض براس شرفه

تاريخنا اللي عليه من الزمان اهتمام

مجده مناهج دروس وسيرته فلسفه

انشد هل الاجرب وحماي بيض النعام

من زعزع العرش واللي جالس فـ كنفه

قبيلة صف واحد ما دخلها انقسام

حاضرهم يجدد اللي خلدوه سلفه

حماية البل ليا دارت وثار العسام

اللي ولدهم يبيع الروح دون شرفه

كم عايل جاء يدورنا عليه السلام

من ضربنا ما لقى له نجدة تسعفه

يا ثامر اليا لقيت اللي بخشمه عرام

اقلط له بقوتك قدم العرب وانسفه

بشيعلان النوادر راهيات العظام

متنكسات الظهور اللي بلا مردفه

ما تنتخ الا السناد اللي تهوم الغمام

عرنونه من تقواسه ما فيه لوفه

اليا حفلت في الصياهد قامت تشق خام

تنقل على نيها شعله ماهيب شعفه

يا ثامر المجد هذا نعرفه كل عام

حكمته بحكمتك والقوه المسرفه

يا ابن علي في يمينك للمصامخ حسام

كم راس مغرورا بقو العزوم احذفه

يا لابتي ولعت كبرا وثار العسام

العود في صيهد منيف احتمى موقفه