كلمات اغنية دفتر الايام محمد سلطان

دفتر الايام كلمات

دفتر الأيام اتملى بمواضيع

ناس تدوس عالناس ناس تخون وتبيع

حظ أي كلام جاي مع المقاطيع

والأصيل معروض فالمزاد للبيع

يا دنيا إزي يا دنيا حرام

تعلي الواطي وتخلي الجدع متهان

يا دنيا إزاي يا دنيا حرام

صحيح والله ما تهوني الا عالغلبان

دا على رأي اللي قال هنعيش وياما نشوف

بقى البجح بيعيش على قفا المكسوف

دنيا ومعكوس حالها وكله رايح عكس السير

رايقة مع الأندال وأهي نازلة فـ الطيب تكسير

الناقص بيقول على نفسه أجدع خلق الله

واللي فـ قلبه الشر بيمشي يدي دروس فالخير

الخاين بقى ماشي يخون فـ الناس الحلوين

واللي ماشيها شمال بيشوه فاللي بيمشي يمين

واللي عيوب العالم عنده بيعيب عالجدعان

أما زمن والله يخلي العاقلين مجانين

الشاطر نحبطه بكلامنا وكأننا قاصدين

والخايب لو كح نسقف واهو بقى مالناجحين

ومفيش حاجة بقت فمكانها بدلنا الأحوال

احنا خلاص ضايعين وبقينا أشباه بنآدمين

الزمن دا عجيب ماشي بالمقلوب

النضيف الناس حدفوه بالطوب

هو فاضل ايه ولا ايه مكتوب

يا دنيا ازاي يا دنيا حرام

حوجتي ابن الأصول للناقص والعويل

يا دنيا إزاي يا دنيا حرام

خلاص الكتف مش قادر يا دنيا يشيل

الحال فعلا مريب مش معدول الميزان

ولا تعرف اللي خان ولا تعرف اللي اتخان

لما الناس كلها مظلومة طب فين الظالمين

أنا نفسي أعرف مين المؤذي ولا اللي أتأذى مين

المعوج بقى ماشي يعدل عالجدع المظبوط

والكداب تقفشه بيبجح يحلف ألف يمين

اللي بتستأمنه على سرك بيذيع الأسرار

واللي سقيته الحلو يضرك يسقيك هو مرار

واللي تقول عمره ما هيبيعني بيبيعك فـ يومين

ما هو سوق العلاقات دلوقتي بقى عرض وأسعار

مبقاش فيها كبار دلوقتي كله عيال فـ عيال

ولا هتعيش مرتاح طول ما انت ماشي تاكلها حلال

دنيا يمينها شمال ومهازل وبلاوي للإسفاف

اه عايزين معجزة والله نعدل بيها الحال