كلمات اغنية راجعه ليه ريشا كوستا

راجعه ليه كلمات

اليومين دول اكتشفت ان انا فاشل

ف اختياري للصحاب وللزمايل

دا اللي وحش صورتي واللي ف ضهري قايل

هما هما اللي انا عنهم ياما شايل

نفسي ابطل اكون جدع مع ناس لئيمه

نفسي ابطل اغلي ناس واديلها قيمه

دول ف وشي كلام وحب اكني ف سيما

واما بمشي ف ضهري بتدور النميمه

كل اللي خان كان ناوي يخون

بس كان مستني زبون

كلها قلابه

تعمل جدع تلبس ف الحيط

اعمل فلوس متبقاش عبيط

الدنيا بره دي غير البيت

بره الشارع غابه

راجعه ليه بتقلبي ف وجع نسيتو

اللي بينا دا جرح بالعافيه اتخطيتو

كل اذا ف الدنيا منك انا اتأذيتو

كرهتيني ف اكتر قلب زمان حبيتو

انتي لسه بتحلمي وعشمانه نرجع

بس عشمك مش ف محلو ومش هينفع

لو قلبي فكر يدي فرصه عقلي هيمنع

مش هبرد قلبك انتي وقلبي يولع

والدنيا من غيري كسرتك

جيالي فاكره هحنلك

وهكون تاني معاكي

عفوا رجوعك شئ مرفوض

بينك وبيني عملت حدود

ومادام غيابك كان مقصود

ف انا واجب انساكي

لو عملت معاكو خير ف يوم سامحوني

كلنا بنغلط وعادي استحملوني

كل مشكلتي ان اهلي زمان ربوني

طيبتي دي وجدعتني ف الحيطه لبسوني

من النهارده هبطل اتعشم ف غيري

هي حلوه لحد كدا وكتر خيري

مش هعرف حد فيكم خط سيري

ف اللي جاي مع نفسي انا هحدد مصيري

لما اللي منك يبقا عليك

واقرب ماليك هو اللي اذيك

ساعتها مش هتشوف ب عينيك

غير ناس بتستلوح

اكرف عشان كلو بيكرف

نقي صحابك خليها تتضف

حط اللي مش سالك ع الرف

قبل اما تتسوح

نفسي ابطل ابدي غيري يا ناس عليا

نفسي اوفر كل جدعنتي دي ليا

هو مين اصل فيهم بيحس بيا

بديهم حنيه يدوني مرازيه

ربنا يصبرني ع اللي بشوفو منكو

دا الواحد مقابلش خير من يوم ما قابلكو

خدت جمبي عشان لقيتني غريب مابينكو

من النهارده هعيش لنفسي ومش فاضيلكو

فكر ف نفسك مش ف الناس

فكرت ف الناس دي هتحتاس

مبقاش في وقت لوجع الراس

مايغورو ب صداعهم

طول منت بتحن وطيب

هناخد عزاك يبني قريب

خلي اللي عارفك يستعجب

وبغدرك اوجعهم