كلمات اغنية طيف الخيال الوليد ال عامر

طيف الخيال كلمات

مع فايح البن استوى كيفي وقربت الدلال

واخذت لي فنجال نبه كل فكرة شاردة

تجمعت عندي الطيوف وصفت اطيور الخيال

وانا على مركاي أشوف الغايبه المتواجده

ما كني الا اقول مالي لا أرى طير الوصال

اللي مراسيله يمن يوم ان علومه واجده

دايم يجيني بالعلوم ولا يكلفني سؤال

في العالم اللي خطته عشوا و لا له قاعده

اللي مشاعرهم بعض الاحيان كنها معانده

إن صابها الحب وطغى تستحضر السحر الحلال

واتفردت باحروفها رغم الظروف الكايده

مشاعري شعر وهواجيسي محبة ما تزال

متمرده عن كل صمت الصادرة والواردة

احاول اخفي سر قلبي غير مافي احتمال

الحبر يفضحني على اوراق البياض الشاهده

تبا لداء الحب إن الحب لا يعرف جدال

وقلوبنا في ساحته ياطول ماهي مجاهده

يا معشر اصحاب الادب والبوح والعذب الزلال

ان القلوب المغرمه عكس القلوب الحاقده

محبة الله والحروف اللي لذاته صاعده

وبيوت شعر ماتسخر للعظيم المتعال

مضمونها فارغ ولا به من وراها فايده

وقلوبنا والحب يلزمها مع الله اتصال

هذا هو النهج المثالي يا الدروب الحايده

مابين دعوة خالصة واصدق مناجاه وابتهال

تصدق مشاعر شاعر مستحضر مقاصده

يالواحد اللي تستحق المدح وحدك ذو الكمال

محمد الفيفي يخصك وحدك بقصايده

يامعشر اصحاب الشعر واهل النظم والارتجال

والموهبه المتواجده والقافيات الواعده

مضماركم لو تنحتوا في حايطه خط الجزال

وتجمعوا صدق الخوافق في قصيدة واحده

مضمونها محبة الله ترتجى في كل حال

افعل و دع لله وابشر به وخذها قاعده

صحيح حبينا من الحلوات ربات الجمال

لكن دعينا الله وقدانا الطريق السايده

قلوبنا بين اصبعين من اصابع ذو الجلال

ألله يثبتنا ويهدينا الطريق الراشده