كلمات اغنية فرصة العمر الوليد ال عامر

فرصة العمر كلمات

الوقت والعمر والايام منفذ عـبور

بـيـن الـتـجارب وبـيـن اوقـاتـنا المحرجه

نمسي باماني ونصبح بالبسيطة نشور

ومن لا حسب مدخله يحتار في مخرجه

-

كل ماهب مالغربي نسيم البراد

غردي ياحمامة فوق خضر الجريد

واهنيك طرب وانا حزين الفواد

يا وليفي خذيت من الغلا الاعتماد

لا تجازي محبك بالغرام الزهيد

وانت حبك وماضي لك قصيدي يعاد

لو تبيد العلاقه الغلاء ما يبيد

وان بلغ عنفوانك مرحلة الانفراد

لا تفكر توجهني على ما تريد

لو حبك بقلبي قبل سن الرشاد

الله اللي عطاك بدون شرط وقيد

فرصة العمر مرة يالغضي ما تعاد

وادري ان جرح قلبك من غرامي مجيد

عين شيهنتن طرح الشبك بالحماد

مير فيك التغلي والغلا والعناد

خصلة من خصالك والسلوب العنيد

دام هذي صفاتك واهجادي هجاد

بين عقل لبيب وبين قلب بليد

من يسوي سواتك يستحق الجهاد

مثل ماجاهد ابن سعود حكم الرشيد

وان تماديت تنزل من غزال الشداد

عقب ماكنت تسكن في فوادي وحيد

ليتها الاوله واقول كبوة جواد

مير تضرب بزند للجفاء من حديد

لين خليت صدري الشمالي حشاد

وان تواضعت لجلك قلت هل من مزيد

ليت للعاشق المحروم هيئة فساد

تاخذ الحق له ويعيش عمرً تليد

كان قلبك حجر لا تحسب اني جماد

لو اموت بغرامك ما كتبلي شهيد

منك رديت خيل ضمرت للطراد

وانت تدرج رحى حربي لسادا لبيد

عنجهيتك خلت نار حبك رماد

لو امثل بدوري خالد بن وليد

احسب ٍ لك ضمير ٍ من عناه استفاد

واثره اللي يعيش اوهام حلم سعيد

مازرعته جنيته عند وقت الحصاد

واحسب احساب نفسك منهو المستفيد

معلومات الاغنية

كلمات : ظافر البجيري

تسجيل : تــون لايــف

تصميم : ناصر البقمي Nasser I

توزيع ديجيتال : الفان ميوزك