كلمات اغنية في يوم وليلة وردة الجزائرية

في يوم وليلة كلمات

في يوم وليله

خدنا حلاوت الحب كله في يوم وليله

انا وحبيبي

دوبنا عمر الحب كله في يوم وليله

عمري ما شفته ولا قابلته وياما ياما شاغلني طيفه

وفي يوم لقيته .. لقيته هو

هو اللي كنت بتمنا اشوفه ..

نسيت الدنيا وجريت عليه

سبقني هوه وفتحلي ايديه ..

لقينا روحنا على بحر شوق

نزلنا نشرب ودوبنا دوب

ومين يصدق يجري ده كله

في يوم وليله ..

ياللي كان طيفك على بالي وانا بتمناه

مش حتصدق ايه كان حالي قبل ما القاه

كنت بحسد كل فرحه اشوفها بين قلبين

كنت اغير من اي نسمة حلوه بين حبيبين

ولما صحيت على حبك

وشفت الدنيا من عندك

اتمنى لو كل العشاق بيحبوا زي انا ما بحبك

يا حبيبي كنت واحشني

من غير ماشوفك وتشوفني

والقدر الحلو اهو جابني

وجابك علشان تقابلني

اتارينا كنا تايهين ولقينا

اجمل ايام ليالينا

ومين يصدق يجري ده كله

ونعيش سوا العمر كله

في يوم وليله ..

(موال) قالولي اهل الهوى ياما ياما

ياما في قلوب مجاريح

وبحبك انت .. انا حشفي كل جريح

بيسالوني لو غبت عني

او رحت مني .. اعمل ايه

احب تاني .. تاني تاني

مش ممكن اقدر .. تعرف يا روحي

ياروحي ياروحي .. ما اقدرش ليه

هو اللي زيك لو كان في زيك

في الدنيا حد يحب عليه ..

دي كل حاجه اتغيرت .. قدام عينيه

وكل شيء في الدنيا حلو ..باقول دا ليٌه

واي حاجه المسها تحلو في ايديه

وده من نهار حبك ما جه وسلم عليه

يا حبيبي كنت واحشني

من غير ماشوفك وتشوفني

والقدر الحلو اهو جابني

وجابك علشان تقابلني

اتارينا كنا تايهين ولقينا

اجمل ايام ليالينا

واحنا فيها لوحدينا

ومين يصدق يجري ده كله

ونعيش سوا العمر كله

في يوم وليله ..

حبيب امالي ياغالي يا غالي

عمري كله ليك

وكل عمر يا عمري يا عمري

مش خساره فيك ..

بقول بحبك وحبك كان ميعاده بعيد

وفي يوم وليله ليله جميله

هلت المواعيد ..

قابلت شوقك بشوقي .. بعد طول حرمان

وفي يوم وليله جميله .. ليله جميله

ضحكتلي يا زمان ..

لو قالولي اليوم وليله في الحياة .. يا حياتي

اقول كفايه

دي الحياة بالحب حتى لو ثواني .. عمر ثاني

مالوش نهايه ..

يا اللي حبيتوا قبلنا ..

ياللي حتحبو بعدنا ..

يا رب يتمم فرحكم .. يا رب يتمم فرحكم

يا رب ..

يارب يتمم فرحكم .. يا رب يتمم فرحكم

وتحبوا بعض زينا ..

يا حبيبي كنت واحشني

من غير ماشوفك وتشوفني

والقدر الحلو اهو جابني

وجابك علشان تقابلني

اتارينا كنا تايهين ولقينا

اجمل ايام ليالينا

واحنا فيها لوحدينا

ومين يصدق يجري ده كله

ونعيش سوا العمر كله

في يوم وليله ..