كلمات اغنية لازم اصارحه زياد الدساس

لازم اصارحه كلمات

عايز احكيلك حاجه و عايزك للاخر تسمعني

بحب واحده بقالي فترة و عايز اصارحها يعني

بشوفها بتلغبط و بنسى كلامي و بنسى نفسي

عايز اصارحها بـ حبي ليها بس من غير ما احرج نفسي

كلمها و قولها انك عايز تقعدوا في مكان

و قولها انها تبقى لوحدها لو كان بالامكان

اما تشوفها اضحك و هزر و افضل حسسها بـ امان

و امسك ايدها و قولها انك كنت عايزها من زمان

ممكن تحرجني و تمشي لا يا صاحبي بيتهيألك

طالما انت بتحبها اتقدملها و قول لأهلك

هي تطول ده انت ألف واحده تترمي تحت رجلك

وريني ذوقك بقى و اشوف صاحبي و اشوف اختياراته

ما انت اخويا و صاحبي اللي انا بتمنى اشرب شرباته

كانت صدمه كبيرة ليا و هو بيوريني صورتها

حبيبتي اللي انا حبيتها دي اللي عايزها تبقى مراته

انا لازم اواجهه و لازم اقوله انها مبتحبوش

انا لازم اصارحه عشان مينفعش اني معرفوش

صاحبي حب حبيبتي ازاي اقوله و مكسروش

لازم اختار ما بين حاجتين يا اخسر صاحبي يا مخسروش

2

انا عايز اقولك حاجه و لازم نتقابل دلوقتي

انزلي في اي مكان عشان دماغي بتسوحني

مالك اصاحبي احكيلي قوللي و رسيني

لما ننزل انا هحكيلك بس اتمنى انك تفهمني

انا جيت فهمني و قوللي تعالالي دوغري

مش هينفع اخبي عليك انا قلبي عليك يا عشرة عمري

يسطا فيه ايه ما تحكي ده انا جاي لـ عندك بجري

اسمعني و متقاطعش عشان بجد انا جيبت اخري

بص في دي بالذات مش هينفع النص بالنص

يعني ايه يعني يا صاحبي دي حبيبة صاحبك و تخص

ازاي يا عم عرفني فيه ايه بينك و بينها

مش لازم فيه حاجه بينا كل شئ باين في عينها

و انا قولتلها و قالتلك ايه قالتلي بتحبني

ازاي يا صاحبي تهد عليا كل اللي بيتبني

ازاي ده انا كنت قايلك اني عايزها و تهمني

طالما انت كمان عايزها ولا لازماني ولا تخصني