كلمات اغنية نسناس صالح اليامي

نسناس كلمات

ذروة هـجـيـر وذعـذع عصـيـر نسناس

وموسم شتا وفي زمهريره أنتشى صيف

ومـن طـبـعـه الشاعر خيالي وحساس

الطيف عـنده واقـع واقـعـه طـيف

نكتب قوافـيـنـا عـلى مـنـهـج وسـاس

ونصقل معانيها مـثـل صـقلـنا السيف

ما تـنـهـدا غـيـر لـعـزيـز مـن الـنـاس

لي جـابـر العـثـرات لي مكـرم الضيف

تـلـقـاه ذيــب مـغـيـر وظـل مـريـف

محمد ابـو غـانـم عـلـى الجيل نبراس

غـطـريـف ذرب مـن زحـول غـطاريف

صـولاتـه وجـولاتـه تـنـومـس الـراس

نطـرب لها وفنجانـها يـنـعـش الكيف

يهناك رمز يـحـبس فـ الصـدر الانفاس

في شـوط ما له غير من عـزمه مـنيف

الـمـجـد يـرفـض من قرأ بعينه الياس

واللي وصل له ما قضى العمر تسويف

ويا سامعيعـن كـل سجه وهوجاس

ودك بـلـحـظـات تـزيـح التحاسـيف

لـه هـدة بـيـن القـرانـيس مـا شـيف

من أول استار انطلق سهم الاقواس

وكـلما يـعدي استار في سيره يـظيف

موكـب فخامه وحوله عـيون حـراس

في لحـظـة فـاقـت عـلى أي توصيف

تسـلم يـا بـو عـامـر بـلا حـد وقياس

هـديـف مـا تـخـطـأ النياشين حريف

هـذا الضمار الـلـي له يـشب مقباس

تـقـف ولقى لمصـافح الفخر تـقـيف

لين الـمـعـلـق شـاش من قـوة الباس

وش قال هيا نسمعه بدون تحريف

يدخل صوت المعلق

من قام راس ولا درى بقرع الاجراس

إنتاج منجم سـبـق اشعارهـا مخيف

واللي مثل فاهد معه ياخذ الكاس

مـا رد دون الـكـاس رد المنـاكيف