كلمات اغنية وقفة فخر ماجد خضير

وقفة فخر كلمات

لاجا مجال الكبار اللي هممهم كبار

انا اعتذر للعذر عن مدحهم معتذر

ادور اللي تتل الفكر تل المهار

اللي مثل وقفة محمد تتل الفخر

الصدر مجلس محمد ممتلي بالوقار

وهواجسي كنها ضيوفه شيوخ وجبر

لاسقت فيه المدايح مثل سوق البكار

شفت البكار العفر مثل الفعول العفر

هذا شعار الحمايه من هذاك العصر

فعايل عتيبه اكبر من نجوم المدار

اترك نجوم المدى ربعي نجوم الظفر

محمد اليا حضر صاب الخصوم احتضار

وان ماحضر غايبٍ في شغل صيته حضر

لو تحصر اللي ذبح من شامخات الفقار

قل ذود ذودين عشر اذواد ماتنحصر

لو الفعايل بتحسب من حساب العمار

ان كان بيخلد محمد طوال الدهر

ذا يعطي اللكزز وذا يعطي الفكس ار

عنده نظام العطا يلغي نظام الفقر

ارهيت بالشيخه الا شيخ ب المختصر

يخلي الانبهار يصاب بالانبهار

ويخلي المعتبر يزهدبه المعتبر

ان قلت هذا نجم زدت النجوم افتخار

وان قلت هذا بحر فانته مدحت البحر

صيته مثل صيت مسعد تحتفيه الديار

وجوده مثل جود مسعد منهمر منهمر

نظرات عينه تسوي للجبال انهيار

هذا الصخر كيف عاد اللي ماهوب الصخر

زحلٍ. يرد اعتبار اللي مارد اعتبار

حتى يرد الخبر من لايرد الخبر

الله يستر على محمد من الانتحار

اللي ليا سمع بالفزعه يجي منتحر

معلومات الاغنية

مهداه الشيخ محمد بن سمّار العتيبي

كلمات : مشاري النثري

تسجيل : الاستديو ارانين

توزيع : عبدالرحمن الشهري

تصميم : ناصر البقمي Nasser I