كلمات اغنية يا عشيري الوليد ال عامر

يا عشيري كلمات

ابتدا ضيق المشاعر معى ضيق الدروب

لين مابقى من الونس في صدري سعه

وين اعين لي مزاج على الفرقا طروب

مايهيضه نوح ورقا ليا منه سمعه

ولا يهمه برق لامع ولا شمس الغروب

كل مامالت ماميل معاها مدمعه

ودي اتبع سارق القلب لكني محسوب

ولا قلبي سامع اصداه ويقول اتبعه

ولا يشعل وسط صدره من الحب ولعه

كثر ماغنو هل الشعر في الريم اللعوب

ماجذبني غير غرو شمال المجمعه

جعل ديره ضافي الرمش همال النصوب

من بكاير رايح الوسم تلقى منفعه

ياعشيري صار طيفك معى نود الهبوب

مستحيل الليل يمضي ولا اشوفك معه

بادي في وجه خلك من الفرقا شحوب

مثل مايبدي على الطرس خط المطبعه

عقبك الايام دقت مزامير الحروب

الظروف تشتته والنصيب يقطعه

لامتى والهجر فينا معين مرتعه

عاشقك فيه الرفاقه تذرا ومحبوب

الفخر ماهوب جايبه من راس شمعه

سيف ربعه ف المواقيف وجلال الخطوب

ماتربى بـ الضعافه ولا عاش امعه

دوسري يفصم الدرع مايفصم قلوب

كل ماتاحت يصيبك غروره يردعه

ماندور من عيون العرب رحله هروب

ونت عينك تهزم جيوش وتزيل اقلعه

كان حبك يعتبر ذنب انا كلي ذنوب

بس ماضنيت حبك نهايه موجعه

عقب فرقا عيونك النجل قلي كيف اتوب

لي سنه والقلب قلي وش اللي يقنعه

مخطر لاردد اسمك وانا صوتي طنوب

المذير كيف ينتخ عيونه ب اصبعه

ليت قلبي من هوا الزين منهي ومحجوب

كان ماقلبي من الحب لاقا مصرعه