كلمات اغنية يا ملهمه الوليد ال عامر

يا ملهمه كلمات

ياملهمه على كثر من كان في هذا المكان

ماكان في هذا المكان الا الهوى وانتي وانا

عيونك اللي ترقب الساعه متى تاصل ثمان

وعيوني اللي ترقب عيونك وموعدها دنا

حسيت ب ان مجند الارواح امر ب امره وكان

موعد تلاقينا بسط له شمس واشعلها سنا

يوم انسلخنا من قوانين العقل والاتزان

كم من شعورا هدته الايام فينا وانبنا

حتى المكابر والتغلي نامو ونوم الهنا

استيقظ الطفل البري ف امس حاجه للحنان

ومن البراءه كم من طفل على روحه جنا

من السكينه كننا العباد في فجر رمضان

ومن الضجيج الداخلي فجر المعايد كننا

يوم اتخذنا الصمت من خوف المشاعر لاتبان

ارواحنا المتكلمه قامت تعري صمتنا

من تمتمة قلبي وهو يسالك وينك من زمان

وحيرة هدبك وهو يقول انا هنا انا هنا

الى الشعور اللي عبره الخوف من بر الامان

ل الضيقه اللي مالقت مجلاس والصدر دهنا

يستشعرون الفقر امامك من يعيشون ب غنى

كنت استرق مع كل ماصديتي النظره عشان

آجري القلب المعنى ل المحبه والعنا

حاولت ب انه ينثني عن تركه الغيد الزيان

واثره مايشبه عودك الغض ان تمايل وانثنا

الضاهر اننا قد كبرنا صدق ي الله المستعان

والضاهر ان قلوبنا باقي م كبرن معنا

تلجمت نظرات الاعجباب ورسول الحب خان

واستشيخ الشوق وغزاه الشيب والظهر انحنى

لو كان في دروب الهوى مات الشغف والعزم لان

يبقى الشعور اللي ب تفنى المستديره مافنا

ياكم نجينا في خطوب العشق من كم امتحان

كنا نتعلم لين علمنا به اللي بعدنا

ياكم تقاسمنا مشاعر بعضنا قسمة خوان

كنا ي نفرح كلنا ولا نتضايق كلنا

كم كان يحيينا الوصل والبعد يذبح كيف كان

والهجر كم ياثر بنا والشوق كم يرثع بنا

وكم كانت الفرقا تحطم روح وتدمر كيان

وكم كان مايلقى التعب فيها لاشكر ولا ثنا

لا ياام عين عودت بي وام عود خيزران

ليش نتمنى والليالي م تجينا ب المناا

لاسامح الله عقرب الساعه يوم ان الوقت حان

كنه يصحي كل لحظة وعي غابت عندنااا

جت ادراك الحقيقه قبل مافات الاوان

كنا نقول بدون خوف ودون صوت ل بعضنا

الحب لحظات انكساره تورد العقل الجنان

وحنا مايصلح ننكسر والحب مايصلح لنا