ياللـي جمــالك ماله حــدود
كل يوم وانت بعيــني تزيــــن

غالي و قـــدرك دايـــم يــزود
بين البشــر ما منـــك اثنيــن

مثل الظبي لا صـرت مرصود
ذاير حيا ما تملي العين

منهو نوى صيدتك مصيــود
وشلون ما ينصاد يا زيــــــن



ترمي ولا تخطي النياشيــن

بين العذارى بزينك تسود
يا محرق كروت المزاييـن
ادري وتدري ان انت مقصود
والسر يبـــــقى بيننا الـــبين

وتدري اغار من هبة النود
كل ما تلاعب شعرك بلين

وان بان منها خصـــر مبرود
كن الجسم مقسوم نصفين

وادري لو انها بانت خــدود
يغار منها البدر مسكيــن

وتدري ما غيرك عنده الكود



غيرك يلاقي الباب مـــردود
ولا انت لك مفتوح كل حين

الدرب لك مفروش بورود
نرجس مع جوري ورياحين

لا تجازي المشتاق بصدود
الوصل من سلم المحبين

تم النشر : June 26, 2022 12:20 am
اخر تعديل : June 27, 2022 9:51 am