اغنية خالد بن قنيفذ الجديدة

اشعل النيران ثم زود حطبها

واطرب البدوان باللحن الغناوي

اشلع بصوتك وخلك في طربها

انت ياخالد عن المدحه غناوي

سوقوا العرفاء وحنا مع جنبها

نسهج الميدان بالشقح الرهاوي

تدحم الميدان من قوة غضبها

لاقبلت له كنها السيل النحاوي

يتبعن مرزوق لا منه ندبها

عن طريقه لا تحيد ولاتراوي

لا تجي في دربها والا تعقبها

عزوتي ياحرب عز الي صحبها

من حربها طاح بالارض متساوي

من ينافسنا يبي يلقى نشبها

ومن تحدانا يبي يعطي الصدواي

علموا من جمع الشقح وحسبها

مرخصين المال للزين الغلاوي

طالها مرزوق من ماله كسبها

جابها بالمال ماجت له هداوي

انت واخوانك كما العين و هدبها

بالاشاره يفهم الحر النداوي