كلمات اغنية حن وانا احن ياس خضر

حن وانا احن كلمات

حن وانه احن

وانحبس ونه ونمتحن

مرخوص بس كت الدمع

شرط الدمع حد الجفن

جفنك جنح فراشة غض

وحجارة جفني وماغمض

يل تمشي بيه ويه النبض

روحي اعله روحك تنسحن

حن بويه حن

حن عمي حن

عيونك زرازير البراري

بكل نشاط اجناحها بعالي السحر

ما وصل ليها الندى و لا جاسها بگطرة المطر

وصفولي عنك بالنباعي تفيض

و تعنيت ليلة ويه القمر

وصفولي عنك كل مسامة تفيض منك عطر يالحسنك نهر

تنزل بصدري ويه النفس و بدمي غصبا تنعجن

و اشهگ و اصعدك للسما بحسرات و بعنة حزن

حن حن بويه حن

شفافك ولا گولن ورد

عنابه معگودة عگد

تمتلي بگد ما تنمرد

لا هي دفو ولا هي برد

انه بوصفها راح اجن

حن بويه حن

سكتاتك تشكل خواطر بالگلب

مالي عرف بيهن گبل

مبروم برم الريزة ياريان

و مخوصر خصر لف العگل

نبعة الريحان بالدلال ما تحمل ثگل

وصفولي عنك

شال منك غيظ بستان الورد

والنرجس الرايج سكر

حن وطواريز ولحن

وحنت حمامات السجن

حنة الي

و حنة الك

واللي يعجبه خلي يحن

حن بويه حن

انه من اشوفك

يمتلي الماضي الجدب

زهرات بيض من الوفه

وروحي سواجي من الحنين تصير

واتنبه وكت بيهن غفه

يا محجل ان مريت بيه ردود

ارد اردود للعشرين

من عمر الجفه

وانصف عمر منك

نصفته بالهجر

والهجر منك ما كفه

حتى الهجر يا روحي منك ما كفه

وگلبي اعله هجرك هم يحن

حن

وانه حن

وانحبس ونه ونمتحن

مجبور ارخصك ع الدمع

شرط الدمع يچوي الجفن

مجبور ارخصك ع الدمع

شرط الدمع يچوي الجفن