كلمات اغنية سيبه يا بابا فاطمة عيد

سيبه يا بابا كلمات

سيبه يا بابا سيبه يجيب اللى يجيبه

اقعد وشوفه وافهم ظروفه مقدرش افوته راضيه بشروطه

طب سيبه يا بابا سيبه يجيب اللى يجيبه

مش عايزه قابله ولا عايزه بعده ومدام شرينى لازم تساعده

لو شقه فاضيه انا بردو راضيه مهو بكره الغالى راح يملهالى

طب سيبه يابا سيبه يجيب اللى يجيبه

قيدوا الشمع قيدوا دا القلب الليله عيده

سموا وصلوا يا جدعان دا الورد مضلل عالعرسين ويارب الفرح يزيده

شد حيلك يالعريس افرح وادلع وهيص وكيدوا عزولنا كيدوا

يا عروسه يا فولالى خليكى راسيه واتقلى مهو جاب الشبكه فى ايده

ورا يا عزول ورا خلى الشمعه منورة دى ليلتنا حلوة معطره اما العرايس سكره والقلب وما يريده

راما الولا شبكه قلب العروسه شبكه واهو ظبط مواعيده

وعروسته ايدها كمان فى ايديه شوفته عروسته حلوة عروسته لايق عليها ولايقه عليه

يا حلاوة عليه من عزالنا من حسادنا سموا عليها وسموا عليه

يا عريس وفرحنا بيك والعروسه والله شيك حط عروستك جوه عنيك خلى حماتك ترضى عليك

يا عروسه يا حلوة يا زين جبتى الحسن دا كله منين رشوا الملح يا ناس من العين هنوا وغنوا للعروسين

النجوم فوق السحاب رقصوا يوم كتب الكتاب عقبال كده كل العزاب

يانا ياه من العوازل يانا يانا

يانا ياه من اللى طالع واللى نازل

دى الليله دى ليله تسوى الف ليله دى الليله دى ليله ما بعدها ليله

يالى رايح يالى جاى ويالى ماشى دى النهارده الدعوه عامه متنساشى

والحبايب والقرايب لما جونا نوارونا وكترونا وفرحونا

والقمر نور وبعت الف بوسه واما شافك استخبى يا عروسه

يانا ياه من العوازل يانا يانا

يانا ياه من اللى طالع واللى نازل