كلمات اغنية الفتاه الرباعي فنيس صالح الدوسري

الفتاه الرباعي كلمات

الله من قلبن نتل نتلت اللوح

اقفت به الوضحا الفتاة الرباعي

اقفت تجره بالتعاجيب ومزوح

وسودا اترحب به اجدادا اوساعي

لاقابلتني خلت الصدر مفتوح

مثل القطيفي ناعما له شعاعي

تاقف معي لين اتحلاه بوضوح

وليا احرقتني لفته بالقناعي

وقيم وابني في وطنها اشراعي

مجبور مقهورا من الود ملحوح

لحة مناكيبا عطاش جياعي

طلبت منه الماء من الروح لروح

شيا من حسانه علاجا متاعي

سكت ولا عيا ولاقال مسموح

وكضم على غيضه عفيف المساعي

ماله بورادي ورخاص مشحوح

ولا له بردي وشوف اندفاعي

وقفت عنده ميت العزم مذبوح

بيني وبين الروح شد ونزاعي

ولمحق من الصده يكون الوداعي

وضن مالي بين الامرين مصلوح

انكان ماعقب المراح اجتماعي

وين الصلاح وداخل الجوف مجروح

وحبل الرجا يوشك على الاننقطاعي

واشكي على الله ثم على كل ممدوح

اللي من ادروس الليالي شباعي

اهل العزوم مسهلت كل ساموح

لامن مشو فامرا صعيبا يطاعي

اما بجاها له مقامن وله ضوح

ولا بدفع المال كانه يباعي