كلمات اغنية يمرني صوتك زايد ال سطام

يمرني صوتك كلمات

يمرني صوتك كما وسم الامطار

وتزهر ورود الحب لامن لقيتك

وافرح ليا شفتك واشتاق واغار

واقول ليتك عالوصل دوم ليتك

اجمع لك ابيات القصايد والاشعار

وانسي بيوتي كلها لا رأيتك

اسمك يبدد ليلي ويزيد الانوار

يضوي سراج العمر لامن طريتك

وان طالت الغيبات بدروب الاسفار

خذني بطيبك دامي اليوم جيتك

في غيبتك ياصاحبي همومي كبار

زادت جروح الخافق اللي عطيتك

ولو اليال تبدلت والزمن دار

ولوهي سنين صاحبي ماسليتك

حلفت لك ياشوق ماغيرك اختار

لوانتهيت اليوم بكره ابتديتك

ببقي على درب الظما بين الانهار

واصبر على وقتي وانا مارويتك

دامك سكنت بخافقي مهما قد صار

لوبعتني ياروح روحي شريتك

أجيك ادور حارتك واسال الجار

واكتب على جدران دارك وبيتك

مهمايطول البعد ياراعي الدار

ومهما تطول غيبتك مانسيتك