مين تاني هيتغير اصل بقفل جرد السنه
امين خطاب
مين تاني هيتغير اصل بقفل جرد السنه كلمات
ليلى نهارى نهارى بقا ليلى
ويومى عمال يتكرر
انا مش قادر مهدود حيلى
ونفسيآ متدمر
هى الدنيا ايه بينها وبينى
عليا أنا ليه بتتغير
كل ما بفرح بتبكينى
ساقتنى الحلو ممرر
انا من كتر الشرب بموت
ومفيش حاجه بتنسينى
من جوايا تعبان مكبوت
قطر العمر خلاص بيفوت
ومحدش مستنينى
مهما بحاول اعمل مبسوط
بيبان الحزن فى عينى
ممكن اى بلوك فى يوم يتفك
واعدى واطنش
الا بلوك القلب ياساتر
صعب دا مابيتفكش
انا مش باقى عليكو
خلاص و لأيامكم مابحنش
عمرى ماسبت ايديكو
انتو اللى اختارتو أننا نتفركش
وحشتنى اللمه الكدابه
ولسه هتوحشنى اكتر
الف وداع ياوشوش قلابه
عيشتونى فى هموم وكئابه
بقيت م الحيره متوتر
غدر بغدر عليكو هتغابا
خلاص تقدير مش اقدر
من كتر الوقفه مع الناس
رجليا بقت توجعنى
وياريت فى دم وإحساس
بشترى كلها بتبيعنى
ملعون ابو قلبى الحساس
اهو فى الأخر ضيعنى
دانتو ضربتو دماغى بالكاس
والتفكير بيصدعنى
حلم حياتى اروح لمكان
مايكونش فيه ناس اعرفهم
دانا من اقرب ناس بتخان
والله مش طايق اشوفهم
مهما هقول دول مش جدعان
مش لاقى كلام يوصفهم
صعب اديهم تانى امان
مضطر خلاص اكرفهم
اللى قصادكو دا واحد تانى
غير اللى انتو عرفتوه
جرحكو ليا خلاص قوانى
براڤو عليكو شابوه
امتى معاكو قصرت ثوانى
الخير على ايدى شوفتوه
مين فينا مجنى عليه ومين جانى
انا حد انتو ظلمتوه
يلا عليا وعلى اعدائى
خلاص مش فارقه معايا
مش خايف على حاجه ولا باقى
وجاى فى اى حكايه
ضرب النار هيكون عشوائى
مات الاحساس جوايا
مهى مش نافعه معاكو اخلاقى
وهقلبهالكو جنايا
مهما حكيتى أنا مش هسمعلك
صعب اكدب عينى
انتى ازاى عايزانى ارجعلك
يالى كتير اذيتينى
انا على نفسى خلاص حرمتك
ابعدى عنى انسينى
وصلتى لكلو انى ظلمتك
وانتى اللى ظلمتينى
مين تانى هيتغير
اصلى بقفل جرد السنه
اللى عايز يتفضل يرفع ايدو
ينجز يقول انا
لو زعلان البحر هناك مليان
بالشفا والهنا
ولا يفرقلى فولان فولان
وبناقص م العكننه
تم النشر : January 24, 2023 10:28 amمع البرنامج العربي الاشهر على الاطلاق وبأكثر من 10 مليون تحميل
تعلم الانجليزية بدروس عربية مبسطة تجعلك تعشق الانجليزية
جميع الدروس لا تحتاج الى انترنت ومدعومة بالصوت والصورة
كل درس فيه 5 اختبارات تفاعلية لتحسين اللفظ والنطق
تصنيف الاغنية : | أغاني مصرية |
اسم الاغنية : | مين تاني هيتغير اصل بقفل جرد السنه |
مطرب الاغنية : | امين خطاب |
كاتب الاغنية : | مصطفى الجن |
ملحن الاغنية : | امين خطاب |
ما هو تقييمك للاغنية من منظورك الشخصي؟
مع البرنامج العربي الاشهر على الاطلاق وبأكثر من 10 مليون تحميل
تعلم الانجليزية بدروس عربية مبسطة تجعلك تعشق الانجليزية
جميع الدروس لا تحتاج الى انترنت ومدعومة بالصوت والصورة
كل درس فيه 5 اختبارات تفاعلية لتحسين اللفظ والنطق
كلمات اغاني جديدة 2025
اهم الاغاني لهذا الاسبوع
نجوم الخليج العربي
عمالقة الغناء العربي
موقع كلمات اغاني © 2009 - 2025 جميع الحقوق محفوظة لاصحابها الاصليين